Platfòm Trètman Demann Ajan MonCash
Se yon platfòm ki pèmèt ou aplike pou vin yon ajan MonCash. Tout pwosesis la GRATIS!
APLIKE »
Pou kòmanse
Kisa w ap bezwen pou w vin yon Ajan MonCash?
Ki avantaj ki genyen lè w se yon Ajan MonCash?
Aprann plis »
Retounen «
Pou vin yon ajan MonCash selon kategori ou vle a, ou dwe bay
- PYÈS IDANTITE VALID MÈT BIZNIS LAN AK ANPLWAYE A (CIN, Paspò oubyen Lisans)
- PRÈV ADRÈS MÈT BIZNIS LAN AK ANPLWAYE A (dokiman sa pa dwe gen plis ke 3 mwa depi li fèt)
- FOTO KOTE W VLE BAY SÈVIS MONCASH LA (devan ak sou kote)
- PATANT (dokiman sa pa aplikab pou ajan Bronze endividyèl)
- CIF BIZNIS LA (dokiman sa pa aplikab pou ajan Bronze endividyèl)
Men lis dokiman ou ka bay pou prèv adrès
- Resi pou sèvis (EDH, Dinepa, Entènèt, Telefòn) ki gen adrès lakay ou
- Relve kont labank
- Abònman jounal
- Kopi kontra kay ou lwe a
- Setifika rezidans ki gen adrès lakay ou
- Resi livrezon (Lapòs, elatriye)
Men kèk lòt enfòmasyon pou konsidere avan w vin Ajan MonCash
| Kategori ajan |
Bronze |
Silver |
Gold |
| Pwofil |
Ti Biznis |
Ti Biznis oswa Mwayen biznis |
Gwo Biznis |
| Pi piti premye depo w pou komanse |
50,000 goud |
100,000 goud |
200,000 goud |
| Kont Sogebank? |
Non |
Opsyonèl |
Wi |
| Kèk lòt kritè ou dwe konsidere |
- Ou dwe gen sinyal Digicel nan zon ou
- Li tap bon pou ou gen akse Entènèt
- Ou dwe gen yon lokal pou ofri sevis la
|
- Ou dwe gen sinyal Digicel nan zon ou
- Li tap bon pou ou gen akse Entènèt
- Ou dwe gen yon lokal pou ofri sevis la
|
- Ou dwe gen sinyal Digicel nan zon ou
- Ou dwe gen akse Entènèt
- Ou dwe gen pou pi piti 5 lokal pou ofri sevis la
|
| Le dosye Ajan w lan fin apwouve, ou dwe al fe premye Depo w la kay Maste Ajan w te chwazi an lew tap siyen kontra an |
A- Pou fè aplikasyon an, depi dokiman ki endike anwo yo pare, ou kapab itilize sit sa pou w fè demand lan.
- Kreye yon kont
- Pase tès k ap di w si w elijib
- Bay enfòmasyon sou biznis
- Soumèt Dokiman yo
B- Yon Reprezantan Digicel, ki gen dokiman ki anba yo, pral kontakte ou nan yon peryòd ki pa depase 20 jou pou suivi ki nesesè yo:
- FICH TEKNIK (reprezantan digicel la ap ranpli lè li vizite espas la)
- FÒM POU ANREJISTRE – AJAN (Ajan ap ranpli epi siyen l padan vizit lan)
- FÒM POU ANREJISTRE – ANPLWAYE (Ajan ap ranpli ak siyenl pandan vizit la)
- KONTRA (tout 3 papye original yo dwe siyen)
Nòt:
Sit la ap ba w posibilite pou w suiv tout etap dosye a
Sa ka rive gen lòt dokiman nou mande w nan kad suivi dosye a
Ki avantaj ki genyen lè w se yon yon Ajan MonCash?
-
Avantaj finansye
- Ajan jwenn soti 1.31 Goud rive 143.2 Goud komisyon sou tranzaksyon yo fè pou kliyan (Depo, Transfè ak Retrè)
- Ajan jwenn komisyon soti 1% rive 8% sou rechaj yo vann ak Machann Pappadap oswa Kliyan Digicel
-
Avantaj sou envestisman
- Ajan pa bezwen anpil lajan pou demare biznis MonCash la
- Ajan resevwa materyèl operasyon gratis pou bay sèvis la
- Ajan resevwa kit « Branding » MonCash gratis (tankou nou fè penti nan mi biznis la)
- Ajan resevwa piblisite gratis
-
Avantaj devlopman
- Ajan resevwa premye fòmasyon MonCash la gratis
- Ajan jwenn lòt fòmasyon ak asistans gratis
- MonCash pèmèt Ajan amelyore eksperyans kliyan l yo nan biznis li
-
Avantaj sou pwodwi
- Asosyasyon avèk mak Mon Cash la (ki se pi gwo rezo sèvis finansye annAyiti)
- Ajan reprezante sèvis labank a distans
- Sèvis fyab, pratik epi sekirize
APLIKE »