Byenveni sou

MonCash Business Services

Platfòm ofisyèl pou w fè demand sèvis Antrepriz MonCash.
Senp, rapid, gratis!

Aplike pou w gen yon kont antrepriz

Sekirite. Fyabilite. Efikasite.

Nou la pou akonpaye biznis ou nan chak etap sou chemen dijital la.

Pou kòmanse

Ou bezwen ouvri yon kont Antrepriz oswa ou deja genyen youn? Chwazi sa ki bon pou ou.

Ou poko gen kont?

Fè demand pou w gen yon kont ANTREPRIZ MonCash.

Kreye yon kont »
Ou deja gen yon kont?

Jere kont ou, swiv demand ou yo epi jwenn aksè ak sèvis yo.

Ale sou kont ou »
Sekirite Avanse

Done w yo pwoteje ak pi bon estanda sekirite yo.

Rapidite

Yon pwosesis rapid pou w ekonomize tan biznis ou.

Sipò Dedye

Yon ekip lokal disponib pou ede w nan chak etap.

Solisyon pou Biznis

Sèvis ki adapte ak bezwen antrepriz ou.

Kijan w ka gen yon kont Antrepriz pou w vin yon Patnè MonCash?

Ou ta renmen resevwa pèman kliyan ou yo sou MonCash, fè pewòl anplwaye ou yo oubyen voye lajan bay lòt moun? Ekip Sèvis MonCash Biznis la envite w li paragraf sa yo, ki gen bon jan enfòmasyon sou tout kalite sèvis nou yo (Machann, Biller, Prefunded, Pewòl).

Machann: Pèmèt yon antrepriz oubyen yon komèsan kolekte pèman pou sèvis ak pwodui li vann yo, sou telefòn (konpoze *202# oubyen pase sou aplikasyon MonCash la / kòd QR la) epi sou entènèt (MonCash Button).

3 kategori Machann:

  • Bronze: pou komèsan ki ka resevwa jiska 100,000 goud.
  • Silver: fèt pou antrepriz mwayen ki ka resevwa jiska 2 milyon goud. Kòb sa a ka transfere gratis sou yon kont komèsyal Sogebank, oswa ou ka retire lajan w dirèkteman kay yon Ajan.
  • Gold: fèt pou gwo antrepriz ki gen yon kont an goud nan Sogebank (obligatwa). Kont Machann sa a ka resevwa jiska 3 milyon goud, epi lajan ou kolekte yo ka transfere sou kont labank lan ak yon virman gratis.

Biller: Pèmèt antrepriz yo ofri sèvis renouvèlman epi kolekte pèman fakti yo a distans (USSD ak MonCash Button). Egzanp: Nu-TV, CANAL PLUS, FINCA, PARYAJ PAM, LISA, elatriye.

Si w gen yon sit entènèt epi w ta renmen resevwa pèman ou yo an liy, n ap envite w teste sèvis MonCash Button lan. Pou sa, klike sou lyen sa a pou w kreye yon kont pou w ka fè tranzaksyon nan espas tès an liy lan.

Prefunded: Bay antrepriz yo posibilite pou yo transfere lajan sou kont MonCash kliyan yo. Egzanp: itilize l tankou yon ti kès. Antrepriz sa yo oblije gen yon kont labank an goud.

Payroll: Pèmèt antrepriz yo peye anplwaye yo dirèkteman sou kont MonCash. Li fasilite òganizasyon yo tou pou yo fè don bay moun.

Koupon: Sèvis sa a devlope pou soutni pwogram sekirite alimantè ak aksè a manje lokal oswa lòt pwodui pou moun ki vilnerab. Chak moun resevwa yon nimewo koupon pèsonalize depi premye fwa, epi nimewo sa a resevwa provizyon selon bezwen yo ak demand lan. Ou pa oblije gen yon SIM Digicel pou w resevwa epi retire lajan.

Ou ka vizite sit entènèt nou an lè w klike sou Entreprise (moncashdfs.com) pou plis enfòmasyon, oubyen kontakte nou soti lendi rive vandredi, de 8è a.m. rive 5è p.m.: ekri nou yon imèl.


Pou w ka fè demand lan, depi dokiman nou sot site yo disponib, n ap envite w itilize pòtay web ki anba a pou soumèt dokiman yo.

Pwen Enpòtan:

  • Sit la ap pèmèt ou swiv evolisyon dosye ou a.
  • Nou ka mande w soumèt lòt dokiman pou nou ka finalize swivi a.
  • Gen kèk dokiman ki aplikab selon tip kont ou chwazi a.
Apre verifikasyon, si dokiman ou bay yo kòrèk, yon responsab MonCash ap rele w pou w ka vin siyen fòmilè enskripsyon an (KYC), nan yon delè ki pa depase 10 jou ouvrab.

* Depi w fin soumèt dokiman yo, ranpli epi siyen fòmilè KYC a, n ap voye dosye w la nan Konfòmite pou apwobasyon. Si dosye w la apwouve, n ap kontakte w pou siyen kontra a epi swiv yon seyans fòmasyon, lè nou fin kreye kont lan.


Ki avantaj ou genyen lè w gen yon kont ANTREPRIZ MONCASH?

  1. Pratik

    Ak telefòn ou, li toujou fasil pou w konpoze *202# oswa ale sou aplikasyon MonCash la, ki ba w posibilite eskane kòd QR epi swiv enstriksyon yo pou kliyan yo peye w oswa pou w voye lajan. Sèvis la disponib sou sit entènèt tou, avèk yon API.

  2. Rapid

    Kòb la disponib menm moman ou fè yon tranzaksyon, epi kliyan an resevwa yon SMS konfimasyon. W ap ka verifye tranzaksyon an tou sou yon aksè an liy n ap ba ou.

  3. Sekirize

    Kont yo sekirize plizyè fason: swa ak yon kòd pèsonalize, swa ak yon modpas sou pòtay la.

  4. Ekonomik

    Nou gen yon pri abòdab, epi ou gen posibilite resevwa oswa transfere kòb ou GRATIS sou kont labank ou.

Enfòmasyon sou kont Antrepriz MonCash